छत्रपती शिवाजी महाराज जयंतीनिमित्त ‘मराठा महोत्सव २०२६’मध्ये ‘शिवशंभू शौर्यगाथा’ महानाट्याचा भव्य सोहळा; मालोजीराजे संयुक्ताराजे भोसले व किसन कथोरे यांची प्रमुख उपस्थिती.
कार्यक्रमाचे दीपप्रज्वलन करताना श्रीमंत मालोजीराजे भोसले,आ. किसन कथोरे,पोलिस निरीक्षक व अन्य मान्यवर दिसत आहेत. अक्कलकोट | दि. २५फेब्रुवारी २०२६ छत्रपती शिवाजी महाराज जयंतीनिमित्त आयोजित “मराठा महोत्सव २०२६” अंतर्गत भव्य ऐतिहासिक महानाट्य सोहळा गुरुवार, दि. १९ फेब्रुवारी २०२६ रोजी उत्साहपूर्ण वातावरणात संपन्न झाला. मालोजीराजे संयुक्ताराजे भोसले, अक्कलकोट यांच्या प्रमुख उपस्थितीत हा कार्यक्रम पार पडला. त्यांच्या उपस्थितीमुळे सोहळ्यास विशेष राजेशाही दिमाख लाभला. सकल मराठा समाज हितवर्धक मंडळ, बदलापूर यांच्या वतीने आयोजित या महोत्सवात “शिवशंभू शौर्यगाथा” या ऐतिहासिक महानाट्याचे भव्य सादरीकरण करण्यात आले. छत्रपती शिवाजी महाराज व छत्रपती संभाजी महाराज यांच्या जीवनातील पराक्रम, स्वराज्य स्थापनेची गाथा, युद्धप्रसंग आणि राष्ट्रनिष्ठा यांचे प्रभावी दर्शन या नाट्यप्रयोगातून घडले. कलाकारांच्या दमदार अभिनयामुळे उपस्थित प्रेक्षक भारावून गेले. या कार्यक्रमास विशेष उपस्थिती म्हणून आमदार किसन कथोरे उपस्थित होते. संयोजक श्री. अरुण दशरथ चव्हाण (स्वागताध्यक्ष) यांच्या मार्गदर्शनाखाली कार्यक्रमाचे नि...
