सोलापुरात डॉ. बाबासाहेब आंबेडकर जयंतीनिमित्त भव्य मिरवणूक उत्साहात.

प्रतिनिधी -सोलापूर, 

विश्वरत्न डॉ. बाबासाहेब आंबेडकर यांच्या १३५ व्या जयंतीनिमित्त सोलापुरात भव्य आणि दिव्य मिरवणूक काढण्यात आली. या मिरवणुकीत नागरिकांचा उत्स्फूर्त सहभाग पाहायला मिळाला. या प्रसंगी सोलापूर महानगरपालिकेचे अतिरिक्त आयुक्त संदीप कारंजे यांच्या हस्ते तसेच डॉ. सूर्यप्रकाश कोटे मंडळाचे प्रमुख विनोद दादा वाघमारे यांच्या उपस्थितीत डॉ. बाबासाहेब आंबेडकर यांच्या पूर्णाकृती पुतळ्यास पुष्पहार अर्पण करण्यात आला. त्यानंतर त्रिशरण पंचशील बुद्ध पूजा संपन्न होऊन मिरवणुकीला प्रारंभ करण्यात आला.मिरवणुकीदरम्यान तथागत गौतम बुद्ध यांचा देखावा सादर करण्यात आला होता, ज्याने सर्वांचे लक्ष वेधून घेतले. मंडळातील कार्यकर्ते, सभासद आणि महिला मोठ्या संख्येने या मिरवणुकीत सहभागी झाले होते. या कार्यक्रमाच्या यशस्वी आयोजनासाठी मंडळाचे उत्सव अध्यक्ष कृष्णा कांबळे, उपाध्यक्ष गणेश लोंढे व सनी खळसुडे, कार्याध्यक्ष नरेश सोनवणे, सचिव स्वप्निल सुरवशे, खजिनदार विशाल गायकवाड तसेच मिरवणूक प्रमुख उदय वाघमारे यांनी विशेष परिश्रम घेतले.यावेळी विश्वजीत कसबे, उत्तरेश्वर वाघमारे, नितीन वाघमारे, किशोर लोंढे, ओम भडंगे, जॉन शिखरे, गौतम दंडाडे, आकाश कांबळे, योगेश हाजी, जानराव सोनवणे, अक्षय वाघमारे, सौरभ खळसुडे, शीतल नडगम, गौतम वाघमारे, सुरवशे, आकेश माने, बापू थोरात, प्रदीप जगताप, समाधान गाडे, गुलाब शेख, जयराज ओहोळ, प्रसाद रणदिवे आणि राहुल गेजगे आदींचा सहभाग होता.

मिरवणूक शांततेत आणि उत्साहपूर्ण वातावरणात पार पडली.