'भव्य शेतकरी मेळावा-जागर एफ आरपी'चा...स्वाभिमानी शेतकरी संघटना अक्कलकोट...!

जनता संघर्ष न्यूज (प्रतिनिधी :- सोलापूर)

उद्या दि.८ऑक्टोबर २०२१ रोजीअक्कलकोट तालुक्यातील किणी येथे संपन्न होणाऱ्या भव्य शेतकरी मेळाव्यास ऊस उत्पादकांना एक रकमी एफआरपी मिळण्यासाठी स्वाभिमानी शेतकरी संघटनेचे संस्थापक अध्यक्ष माननीय राजू शेट्टी यांनी घटस्थापनेपासून 'जागर एफआरपी' चा हे आंदोलन आराधना शक्ती स्थळापासून सुरू केलेले असून तीर्थयात्रा स्वरूपातील हा शेतकरी मेळावा दि.८ ऑक्टोबर रोजी अक्कलकोट तालुक्यातील किणी येथे सायंकाळी ५ वाजण्याच्या सुमारास सुरू होणार आहे.

या शेतकरी मेळाव्यास माननीय राजू शेट्टी व वस्त्रोद्योग महामंडळाचे माजी अध्यक्ष रविकांत तुपकर भूमिका मांडणार आहेत.एक रकमी एफआरपी देण्याचा कायदा असताना जिल्ह्यातील साखर कारखानदार तीन-तीन टप्प्यात एफ आर पी देत आहेत .जर तीन टप्प्यात कायदा झाला तर ऊस उत्पादक शेतकऱ्यांना ऊसाची शेती करणे तोट्याची होईल, या मेळाव्यात शेतकऱ्यांचे होणारे नुकसान आणि लूट थांबविण्यासाठी सरकारकडे मागणी केली जाणार आहे किणी येथे होणाऱ्या या भव्य शेतकरी मेळाव्यासाठी तालुक्यातील सर्व ऊस उत्पादक शेतकऱ्यांनी मोठ्या संख्येने उपस्थित रहावे असे आवाहन किणीचे उपसरपंच तथा स्वाभिमानी शेतकरी संघटनेच्या विद्यार्थी परिषदेचे प्रदेशाध्यक्ष अमोल हिप्परगे यांनी केले आहे.