अभय खोबरे यांची लायन्स क्लब अध्यक्षपदी बिनविरोध निवड.
श्री स्वामी समर्थ अन्नछत्र मंडळाचे उपाध्यक्ष अभय खोबरे यांची लायन्स क्लब अक्कलकोटच्या २०२५-२६ या लायनेस्टिक वर्षासाठी अध्यक्षपदी बिनविरोध निवड झाली. त्यांच्या निवडीमुळे शहरात आनंदाचे वातावरण आहे.लायन्स क्लबच्या सभागृहात पार पडलेल्या बैठकीत मावळते अध्यक्ष शिवानंद नंदर्गी यांच्या अध्यक्षतेखाली ही निवड प्रक्रिया पार पडली. यावेळी क्लबचे अनेक पदाधिकारी, सदस्य आणि मान्यवर उपस्थित होते. सर्वांनी एकमताने नव्या कार्यकारिणीला पाठिंबा दिला.
नवीन कार्यकारिणी पुढीलप्रमाणे-
अध्यक्ष : अभय खोबरे
सचिव : शिरीष पंडित
खजिनदार : विठ्ठल तेली
प्रथम उपाध्यक्ष : चेतन जाधव
द्वितीय उपाध्यक्ष : कल्याणी आळगी
तृतीय उपाध्यक्ष : राजू कारीमुंगी
अध्यक्षपदाची जबाबदारी स्वीकारतांना अभय खोबरे यांनी आपल्या मनोगतात सांगितले, “लायनेस्टिक वर्षात सामाजिक उपक्रमांवर भर देत, गरजूंना मदत आणि जनतेची सेवा करण्याचा आमचा प्रयत्न राहील.”
यावेळी माजी प्रांतपाल राजशेखर कापसे, झोन चेअरमन मल्लिकार्जुन मसुती यांच्यासह लायन्स क्लबचे अनेक ज्येष्ठ पदाधिकारी उपस्थित होते.
Comments
Post a Comment
जनता संघर्ष हे ब्लॉग विशेष बातमीपत्रासह सामाजिक , संस्कृतिक,शैक्षणिक,राजकीय , आरोग्य,क्रीडा व मनोरंजन यासह विविध क्षेत्रातील ताज्या घडामोडी आपल्यापर्यंत पोहचविण्याच्या उद्देशाने याची निर्मिती करण्यात आली आहे .
आपण भरभरून प्रतिसाद द्याल हीच अपेक्षा....
बातम्या व जाहिरातींसाठी संपर्क-9579838240