महाराष्ट्र राज्य कनिष्ठ महाविद्यालय शिक्षक संघटना , महासंघ जाहीर आभार-प्राध्यापक-सुनील पूर्णपात्रे उपाध्यक्ष-महाराष्ट्र राज्य कनिष्ठ महाविद्यालय शिक्षक संघटना, महाराष्ट्र.

महाराष्ट्र  राज्य कनिष्ठ  महाविद्यालय शिक्षक संघटना , महासंघ जाहीर आभार.

प्राध्यापक-सुनील पूर्णपात्रे
उपाध्यक्ष-महाराष्ट्र राज्य कनिष्ठ महाविद्यालय शिक्षक संघटना, महाराष्ट्र.

प्रतिनिधी-सोलापूर

सर्व  कनिष्ठ महाविद्यालयीन  प्राध्यापक बंधू  भगिनींना  नमस्कार,
             महाराष्ट्र  राज्य  कनिष्ठ महाविद्यालयीन शिक्षक महासंघाच्या  आदेशानुसार दि. २१ फेब्रुवारी २०२४  पासून  बारावी  बोर्ड परीक्षेच्या  पेपर  तपासणीवर आपण सर्वांनी बहिष्कार  टाकला  व  तो कालपर्यंत यशस्वी  केला  याबद्दल  तुम्हां  सर्वांचे  तसेच  सर्व तालुका संघटना पदाधिकारी, सर्व जिल्हा संघटना पदाधिकारी, विभागीय संघटना पदाधिकारी   यांचे प्रथमतः महासंघाच्या तर्फे  हार्दिक  अभिनंदन  व  आभार.
काल शिक्षण मंत्री मा. दीपकजी केसरकर यांनी महासंघाच्या  नियामक मंडळाला चर्चेसाठी बोलाविले होते. सकाळी ९ ते ११:३०या दरम्यान पदाधिकारी सोबत महासंघाच्या मागण्याबाबत चर्चा झाली. या चर्चेनंतर महासंघाने पेपर तपासणीवरील यशस्वी बहिष्कार मागे घेतला.अनेक शिक्षक संघटना वेगवेगळे मागण्यासाठी आंदोलन करत असते परंतु त्यांच्या शिक्षण मंत्री,सचिव व मंत्रालय पातळीवर साधी चर्चाही होत नाही, ही वस्तुस्थिती सर्वांनी अवगत करावी.कनिष्ठ महाविद्यालय शिक्षक महासंघ सातत्याने आंदोलन करते व काहीतरी मागण्या मान्य करते हेच आपले आंदोलनाचे मोठे यश आहे.‌ एवढेच नाही तर शासनाला आपले प्रश्न मांडणे व ते प्रश्न जागृत ठेवणे हे काम कनिष्ठ महाविद्यालयीन महासंघ करते,जे की विधिमंडळातील सभागृहात सदस्यांनी करणे अपेक्षित आहे.‌
आपले प्रश्न जिवंत ठेवण्यासाठी व ते येणाऱ्या काळात मान्य करून घेण्यासाठी  " महासंघ " तत्पर आहे हे आपण वेळोवेळी दाखवून दिलेले आहे.
          असाच आत्मविश्वास आपण सर्वांनी ठेवावा,अशीच एकजूट भविष्यात कायम राखावी,  ही नम्र विनंती. बहिष्कार आंदोलन काळात आपण सर्वांनी शंभर टक्के प्रतिसाद दिला होता व तो यशस्वी केलात्याबद्दल पुन्हां एकदा सर्वांनाच धन्यवाद.
'एकीचे बळ  मिळते सर्वांनाच फळ'..!

----------------------------------