श्री बसवराज हायस्कूल,करजगी येथे “एक तारीख- एक तास” स्वच्छतेसाठी श्रमदानातून स्वच्छता मोहीम कार्यक्रम संपन्न.

श्री बसवराज हायस्कूल,करजगी येथे “एक तारीख- एक तास” स्वच्छतेसाठी श्रमदानातून स्वच्छता मोहीम कार्यक्रम संपन्न.

प्रतिनिधी- अक्कलकोट
राष्ट्रपिता महात्मा गांधी यांच्या जयंतीचे औचित्य साधून २ ऑक्टोबर हा दिवस “स्वच्छ भारत दिवस” म्हणून साजरा केला जातो. यावर्षी “स्वच्छ भारत दिवस २०२३” च्या निमित्ताने १५ सप्टेंबर ते २ ऑक्टोबर या कालावधीत “स्वच्छता ही सेवा” हा उपक्रम स्वच्छ भारत मिशन ग्रामीण व शहरी यांच्या संयुक्त विद्यमाने राबविण्यात येणार असून, दिनांक १ ऑक्टोबर २०२३ रोजी देशभरात प्रत्येक गावात,शहरात व्यापक स्वरूपात “एक तारीख- एक तास” स्वच्छतेसाठी श्रमदानातून स्वच्छता मोहीम राबविण्यात येणार आहे.

त्याअनुषंगाने अक्कलकोट तालुक्यातील करजगी येथे भाजपा कायदा असेल अध्यक्ष ॲड.श्री.दयानंद उंबरजे साहेब यांच्या मार्गदर्शनाखाली श्री बसवराज हायस्कूल करजगी येथे “एक तारीख- एक तास” स्वच्छतेसाठी श्रमदानातून स्वच्छता मोहीम कार्यक्रम राबविण्यात आला. 

यावेळी स्वतः ॲड.श्री.दयानंद उंबरजे साहेबांनी हातात झाडू घेऊन शालेय परिसर विद्यार्थ्यांसमवेत स्वच्छ केला.

यावेळी संस्थेचे संचालक व पदाधिकारी तसेच प्रशालेचे  शिक्षक,शिक्षकेतर कर्मचारी,विद्यार्थी व पालक उपस्थित होते.

▪️जनता संघर्ष न्यूज ▪️संपादक-सिध्दार्थ भडकुंबे
▪️बातम्या व जाहिरातीसाठी संपर्क-९५७९८३८२४०